Այսօր՝ ապրիլի 15-ին, «Քաղաքացիական պայմանագիր» կուսակցությունը կներկայացնի իր ընտրական ցուցակը Կենտրոնական ընտրական հանձնաժողով (ԿԸՀ)։

Ինչպես տեղեկացնում է ՀՀ վարչապետի աշխատակազմի ղեկավար Արայիկ Հարությունյանը, կուսակցությունը ցուցակը կներկայացնի այս տարվա հունիսի 7-ին Ազգային ժողովի ընտրություններին մասնակցելու նպատակով։ Ցուցակը կներկայացվի ՀՀ օրենսդրությամբ պահանջվող այլ անհրաժեշտ փաստաթղթերի հետ միասին։

Կենտրոնական ընտրական հանձնաժողովում նշանակված հանդիպումը կայանալու է այսօր՝ ժամը 17:40-ին։