Վերջին ամիսներին ԱՄՆ-ում Հայաստանի դեսպան Նարեկ Մկրտչյանը հանդիպումներ է ունեցել մի շարք հայտնի կրոնական կազմակերպությունների և անձանց հետ՝ հաստատելով և խորացնելով հայ-ամերիկյան կրոնական կապերը։ Այս հանդիպումները տեղի են ունեցել 2025 թվականի օգոստոսից ի վեր և ընդգրկում են տարբեր կրոնական ուղղություններ։

Այս շարքի առաջին հանդիպումներից մեկն էր «Մորմոնների եկեղեցու» առաջնորդների հետ, որտեղ Նարեկ Մկրտչյանը նշել է, որ Հայաստանում կրոնական ազատությունը ժողովրդավարության հիմնարար սյուներից է, և Հայաստանը, ինչպես մի շարք այլ երկրներ, ապահովում է կրոնական կազմակերպությունների ազատ գործունեություն։

Այս հանդիպումներին հաջորդեցին այլ նշանակալի իրադարձություններ։ 2025 թվականի սեպտեմբերին դեսպանը հանդիպել է pray.com կրոնական հարթակի համահիմնադիր Մաթ Փոթթերի հետ՝ քննարկելով Հայաստանի հարուստ քրիստոնեական պատմության և ժառանգության ներկայացման հնարավորությունները։ Նույն ամսին նա ընդունել է Բիլի Գրեհեմի Ավետարանչական Ասոցիացիայի փոխնախագահ Վիկտոր Համմին՝ համագործակցության հնարավորությունները քրիստոնեական օրակարգին առնչվող հարցերում։

Հոկտեմբերին Նարեկ Մկրտչյանը դեսպանատանը հյուրընկալել է ԱՄՆ Աղոթքի ազգային օրվա հանձնախմբի նախագահ տիկին Քեթի Բրենզելին՝ ընդգծելով Հայաստանն ու ԱՄՆ-ը միավորող քրիստոնեական արժեքների դերը։ Դեկտեմբերին նա հանդիպել է ԱՄՆ Պետքարտուղարության միջազգային կրոնական ազատության գծով ավագ պաշտոնյա Այզաք Սիքսի հետ՝ նշելով, որ կրոնական ազատությունը Հայաստանում ժողովրդավարության կարևորագույն բաղադրիչներից է։

Այս ակտիվացված շփումների շարքին ավելացել է նաև «Save Armenia» հուդայա-քրիստոնեական միության նորանշանակ գործադիր տնօրեն և նախագահ Փոլ Մյուրեյի հետ հանդիպումը։ Ի դեպ, հիշեցնենք, որ 2026 թվականի հունվարին ԱՄՆ-ում տեղի ունեցավ Նիկոլ Փաշինյանի կողմից Աստվածաշնչի նվիրաբերման հանդիսավոր արարողությունը, որին մասնակցել էին Հայ Առաքելական եկեղեցու ԱՄՆ Արևմտյան թեմի առաջնորդ Տ. Հովնան արքեպիսկոպոս Տերտերյանը, «Save Armenia» միության ներկայացուցիչները և այլ կրոնական առաջնորդներ։