ՀՀ Քննչական կոմիտեի կողմից մեկնարկած գործը, որը վերաբերում էր «Հանրային ներդրումային ծրագրերի բանկի ստեղծման» մրցույթի արդյունքների կեղծմանը, հանգեցրել է Ազգային ժողովի նախագահ Ալեն Սիմոնյանի հարսի՝ Անի Գեւորգյանի գործի կարճմանը։

Վարույթի շրջանակում Անի Գեւորգյանը, որը նաև ԱԺ նախագահի եղբոր կինն է, կալանավորվել էր։ Նրան կալանքի տակ էին պահել ընդամենը 11 օր։

Ըստ Գլխավոր դատախազության, որոշում է կայացվել վերջինիս նկատմամբ հանրային քրեական հետապնդումը դադարեցնելու մասին։ Այս որոշումը կայացվել է այն բանից հետո, երբ Անի Գեւորգյանը նախաքննության ընթացքում համագործակցել է հետապնդման մարմնի հետ, ամբողջությամբ ընդունել է իրեն ներկայացված մեղադրանքները և չի վիճարկել դրանցում նկարագրված փաստական հանգամանքները։

Այսպիսով, դատախազության պաշտոնական հայտարարության համաձայն՝ ԱԺ նախագահի հարսը կատարել է հանցանք, ընդունել է իր մեղքը և համագործակցել է հետաքննիչների հետ, ինչի արդյունքում նրա գործը փակվել է։

Այս իրադարձությունները տեղի են ունենում այն պայմաններում, երբ մեկ այլ գործ՝ հայ առաքելական եկեղեցուն պաշտպանած ազգային բարերար Սամվել Կարապետյանի գործը, շարունակվում է։ Նրան 7 ամիս է, ինչ պահում են կալանքի տակ, և նույնիսկ նրա տնային կալանքը վերածվել է բանտայինի։