Վերջերս ես հայտարարեցի, որ այլեւս չեմ մտածում հրապարակելու, թե որ եկեղեցում եմ մասնակցելու պատարագի։ Իմ որոշումն այն է, որ առաջիկա եւ հետագա բոլոր կիրակիներին, բացառությամբ այն դեպքերի, երբ աշխատանքային կամ այլ անհաղթահարելի պատճառներ կլինեն, կմասնակցեմ Սուրբ եւ անմահ պատարագի։

Այս քայլը նպատակ ունի խուսափելու ավելորդ շահարկումներից։ Խոսակցություններ էին տարածվել, որ իմ որոշման պատճառն այն է, որ անգամ իմ սեփական թիմում հակաեկեղեցական գործողությունները հավանության չեն արժանանում։ Ըստ այդ տեղեկությունների՝ «Քաղաքացիական պայմանագիր» կուսակցության պատգամավորներից շատ քիչ են մասնակցում ոչ կանոնական պատարագներին, որոնց ժամանակ զեղչվում է Վեհափառի անունը։

Որպեսզի զերծ մնամ նման մեկնաբանություններից եւ նրա երեսով չտան, որ իմ ուսապարկերն անգամ իմ հետ համաձայն չեն, որոշել եմ իբր առանց նախապես տեղեկացնելու այցելել պատարագների։

Վերջին պատարագին, որին ես ներկա էի, Մասիսի Սուրբ Թադեոս եկեղեցում, իմ կողքին հաշված թիմակիցներ էին։ Նրանց թվում էին նախարար Գեւորգ Պապոյանը, պատգամավորներ Ալխաս Ղազարյանը, Բաբկեն Թունյանը, ինչպես նաեւ մարզային իշխանությունների ներկայացուցիչներ եւ մասիսցի նորաթուխ պատգամավորուհի Էսթեր Այվազյանը։