Հոկտեմբերի 20-ին Գյումրիում տեղի ունեցած զանգվածային անկարգությունների հետ կապված գործով Հայաստանի Հանրապետության քննչական կոմիտեն հայտնում է, որ նոր հանրային քրեական հետապնդում է հարուցվել չորս անձի նկատմամբ։

Մեղադրանք է ներկայացվել Վարդան Ղուկասյանի որդուն՝ Սպարտակ Ղուկասյանին, Գյումրու փոխքաղաքապետ, որը ներկայումս կատարում է քաղաքապետի պարտականությունները՝ Ավետիս Առաքելյանին, համայնքապետարանի կոմունալ բաժնի պետի պարտականությունները կատարող Արտյոմ Մկրտչյանին, ինչպես նաև Վարդան Ղուկասյանի օգնական Կարապետ Ղուկասյանին։

Այս մեղադրանքով ներկայումս կալանավորված է Ղուկասյանի որդին և հորեղբոր թոռը։ Մյուս մեղադրյալ Ավետիս Առաքելյանի նկատմամբ որպես խափանման միջոց ընտրվել է բացակայելու արգելքը, իսկ Վարդան Ղուկասյանի որդին այլ մեղադրանքով արդեն կալանավորված է։

Հիշեցնենք, որ հոկտեմբերի 20-ին, երբ իրավապահները փորձել են ձերբակալել Վարդան Ղուկասյանին, նրա և այլ անձանց կոչով քաղաքապետարանի մոտ հավաքվել էին մի խումբ քաղաքացիներ՝ փորձելով թույլ չտալ Ղուկասյանի ձերբակալումը։ Այդ ընթացքում բախում էր տեղի ունեցել իրավապահների և հավաքվածների միջև։