Հունվարի 22-ին, ժամը 15։35-ի սահմաններում, ՀՀ Ներքին գործերի նախարարության ոստիկանության Լոռու մարզային վարչություն է ստացվել զեկուցում, որ Լոռու մարզի բնակիչ 19-ամյա Նարեկ Մ․-ն, գտնվելով էմոցիաների ազդեցության տակ, իր ընկերոջ, Լոռու մարզի բնակիչ 20-ամյա Թելման Ջ․-ին պատկանող «Lada Priora» մակնիշի ավտոմեքենայի պատուհանից, իր մոտ գտնվող ատրճանակով մի քանի անգամ կրակել է դեպի օդ։

Այնուհետև Նարեկ Մ․-ն ատրճանակը փոխանցել է Թելման Ջ․-ին, ով նույնպես մի քանի անգամ կրակել է օդ։

Նախաքննության ընթացքում Նարեկ Մ․-ն հայտնել է, որ այս գործողությունները կատարել է իր ընկերոջ զորացրման հետ կապված իր զգացմունքների արտահայտման նպատակով։ Նա նաև հայտնել է, որ նշված ատրճանակը ներկայումս գտնվում է իր մեկ այլ ընկերոջ, Լոռու մարզի բնակիչ 20-ամյա Սարգիս Հ․-ի տանը, և պատրաստ է ներկայացնել այն իրավապահներին։

Հետևանքով Նարեկ Մ․-ն ձերբակալվել է և տեղափոխվել Թումանյանի բաժնի ձերբակալվածների պահման վայր։ Ձեռնարկվում են միջոցառումներ Թելման Ջ․-ին հայտնաբերելու ուղղությամբ։

Դեպքի փաստով կազմվել են փաստաթղթեր, որոնք փոխանցվել են ՀՀ Քննչական կոմիտեի Լոռու մարզային վարչություն, որտեղ նախաձեռնվել է քրեական վարույթ՝ ՀՀ քրեական օրենսգրքի 297 հոդվածի 3-րդ մասի հատկանիշներով։ Նարեկ Մ․-ին պատկանող, հանցագործության գործիք համարվող ատրճանակը ներկայացրել է իր ընկեր Սարգիս Հ․-ն։