ԱՄՆ նախագահ Դոնալդ Թրամփի Ազգային անվտանգության վերջին ռազմավարությունը, որի նպատակն է առաջիկա տասնամյակի համար ամրագրել նրա «Ամերիկան՝ ամենից առաջ» ռեալիզմը, ոչ թե ամերիկյան ուժի դրսեւորման ծրագիր է, այլ համաշխարհային առաջնորդությունից նահանջ։

Այս վարչակազմը, ժողովրդավարական արժեքներից վեր դասելով նեղ ազգայնականությունն ու գործարքային տնտեսությունը, վտանգում է աշխարհը դարձնել ավելի անկայուն՝ ինչպես ամերիկացիների, այնպես էլ մեր դաշնակիցների համար։

Այս «գործարքայնության» առավել վտանգավոր դրսեւորումներից մեկը Հարավային Կովկասում է։ Անցյալ տարի նախագահը միջնորդեց Հայաստանի եւ Ադրբեջանի միջեւ խաղաղության համաձայնագրի կնքումը՝ նպատակ ունենալով վերջ դնել 35-ամյա հակամարտությանը։ Թեեւ ավելի քան 30,000 կյանք խլած պատերազմի լուծման փորձերը գովելի են, առաջարկված գործարքի շրջանակը խորապես թերի է։