Այսօր, Բանակի օրվա առթիվ, «Եռաբլուր» զինվորական պանթեոնում Սերժ Սարգսյանի անունից ծաղկեպսակ է դրվել և հարգանքի տուրք մատուցվել բանակաշինության գործում մեծագույն ավանդ ունեցած, Հայրենիքի պաշտպանության գործում անձնվիրություն և խիզախության ցուցաբերած հերոսների անմահ հիշատակին։

«Փառք և պատիվ Հայոց բանակի ստեղծման ակունքներում կանգնած ու բանակի փառապանծ ուղին կերտած բոլոր նվիրյալներին։ Հավերժ փառք և երախտագիտություն Հայրենիքի ազատության և անկախության համար իրենց կյանքը զոհաբերած բոլոր քաջորդիներին»,- ասված է Սերժ Սարգսյանի ուղերձում։

Այս արարքը հարգանքի և հիշատակի արտահայտություն է նրանց նկատմամբ, ովքեր իրենց կյանքը նվիրեցին Հայաստանի պետականության և անկախության պաշտպանությանը։