Իմ փորձի ընթացքում շոու-բիզնեսում հաջողության գաղտնիքի մասին հաճախ հարցեր եմ ստանում։ Ես միշտ ընդգծում եմ, որ այն հենց թիմային աշխատանքն է։ Այս հասկացությունը իմ աշխատանքի հիմնաքարն է, և ես վստահ եմ, որ ցանկացած թիմային աշխատանք, որը կառուցված է ճիշտ հիմքերի վրա, անպայման կհանգեցնի հաջողության։

Շատերը կարծում են, որ պրոդյուսերները հաճախ ավելի շատ են վաստակում, քան արտիստները։ Ես չեմ հերքում, որ նման երևույթ կարող է լինել, սակայն մեր թիմում դա չի տեղի ունենում։ Իրականում, խնդիրները սկսվում են այն պահից, երբ հարաբերությունների հիմքում դրվում է միայն գումարը։ Ես տեսել եմ օրինակներ, երբ թիմերը շատ հաջող սկիզբ են ունեցել, բայց հետո ամեն ինչ քանդվել է հենց այդ պատճառով։ Եթե սկզբից պայմանավորվածությունները ճիշտ են և չեն խախտվում, համագործակցությունը կարող է լինել երկարատև և հաջող։

Ինչպես ցանկացած պրոֆեսիոնալ, ես նույնպես ունեմ արտիստներ, որոնց հետ աշխատելուց հետո որոշեցինք ճանապարհները բաժանել։ Սակայն ես չեմ սիրում խոսել անուններով։ Կարևորը այն է, որ մենք պահպանում ենք մարդկային հարգանքը և պրոֆեսիոնալ հարաբերությունները։

Վերջին շրջանակում շատ քննարկումներ են եղել «Խազեր 2026» ազգային երաժշտական մրցանակաբաշխության շուրջ։ Մենք նախորդ տարի առաջարկություն էինք ստացել մասնակցելու ակադեմիայում, սակայն հրաժարվեցինք։ Պատճառը կազմակերպչական հարցերի շուրջ առաջացած կասկածներն էին։ Թեև սկզբում ֆորմատը շատ հետաքրքիր էր թվում, բայց երբ իմացա, թե ովքեր են հիմնադիրները, որոնք մշտապես ներգրավված են նման պրոցեսներում, որոշեցինք չմասնակցել։

Այնպիսի դեպք է տեղի ունեցել, որ չնայած մեր հրաժարականին, մեր արտիստներին այս տարի նոմինացրել են առանց մեր թույլատրության։ Ես անձամբ կապ հաստատեցի կազմակերպիչներից մեկի հետ, և պարզվեց, որ ակադեմիայի խորհուրդն է այդ որոշումը կայացրել՝ անտեսելով մեր դիրքորոշումը։

Իմ կարծիքով, մրցանակաբաշխության ամենամեծ թերությունը այն է, որ այնտեղ չեն ներկայացված երիտասարդ, ակտիվ արտիստները։ Օրինակ, անտեսվել են այնպիսի անուններ, ինչպիսիք են Արկադի Դումիկյանը, Էռնեստ Հովհաննիսյանը, Զեյնալյանները, Գրիշա Ասատրյանը, «Հայություն» խումբը, «Հայաթ» փրոջեքթը, որոնք տարվա ընթացքում ակտիվ են եղել և իրենց աշխատանքը ներկայացրել լսարանին։